|
Scho i jungä Jahrä hät mich d'Musig sehr fasziniert. Cha mi no guät erinnerä, woni mit mim erschtä
batteriebetriebnä Plattäspieler um d’ Hüser zogä bin und ständig mini einzigä zwei Plattä
vo Status Quo und vom Costa Cordalis gloset han! Mit 13ni hani agfangä Gitarrä spielä und bald sind mini erschtä
eignä Songs enstandä. Glichzitig hani agfangä mini CD Sammlig ufzbauä. D’Jahr sind vergangä und 1992
hani a dä Abigunderhaltig vom Turnverein Dägerlä s’erschtmal als DJ für guäti Stimmig gsorgt. Dä
Alass isch än ächtä Erfolg wordä und glichzitig dä Start vo mirä DJ- Karriere.
Mit minä eignä Songs hani 1996 verschiedeni Erfolg dörfä firä; u.a. TV Uftritt mit dä Stephannie
Berger im Risiko, dä Gwinn vom Swiss-Top Wettbewärb vo Radio DRS 1 und 2.Platz vom chlinä Prix Walo.
Doch dänn hani min Rucksack packt und bin für 6 Mönät uf Wältreis; die hät alles veränderet.
Nach dä Rückchehr häts immer meh DJ Ufträg gä und s’sälber Musig machä isch in Hindergrund
grückt.
A Geburtstagspartys, über Hundsverlochätä, bis zu Firmäfäscht hani ufgleit und vo Jahr zu Jahr sind
d'Aläss grösser wordä.
Min gröschtä Event isch s'kantonalä Turnfäscht 2005 in Wiesädangä gsi. A 6
Partynächt händ insgsamt über 10'000 Lüt bis i di früähnä Morgästundä
gfäschtet!
Mini gröschtä Events:
S'kantonalä Turnfäscht 2005 in Wiesendangen
A 6 Partynächt händ insgsamt über 10'000 Lüt bis i di früähnä
Morgästundä gfäschtet!
Mega Beach Party Frauäfäld 2006 - 2009
Zämmä mit äm DJ Badi hani vor 2500 Lüt i dä Rüegerholzhalle in Frauäfäld, bi
einerä vo dä gröschtä und bekantischtä Partys vo dä Oschtschwiiz ufgleit. Es
isch ä genialä Event gsi! Au im 2010 heisst's wieder: No limits mit DJ Badi und DJ Ste!
Vo Hitparade Sound, Oldies, Haligali bis zu fäzigem Rock hätt bi mier alles Platz was gueti Stimmig git.
Mis Motto: NO LIMITS!
|
;)
;)
;)
;)
;)
;)
;)
;)
;)
;)
;)
;)
